പെണ്‍കുട്ടിയെ തട്ടിക്കൊണ്ടുപോയി പീഡിപ്പിച്ചു: മൂന്ന് യുവാക്കള്‍ അറസ്റ്റില്‍

എ കെ ജെ അയ്യര്‍

ബുധന്‍, 30 ഡിസം‌ബര്‍ 2020 (08:42 IST)
ശാസ്താംകോട്ട: പ്രായപൂര്‍ത്തി ആകാത്ത പെണ്‍കുട്ടിയെ തട്ടിക്കൊണ്ടുപോയി പീഡിപ്പിച്ച കേസില്‍ മൂന്നു പേരെ പോലീസ് അറസ്‌റ് ചെയ്തു. ശൂരനാട് വടക്ക് തെക്കേമുറി പുത്തന്‍വിള കിഴക്കേതില്‍ നിയാസ് (26), പോരുവഴി ഇടയ്ക്കാട് തറയില്‍ പുത്തന്‍വീട്ടില്‍ വാടകയ്ക്ക് താമസിക്കുന്ന ശ്യാമകുമാര്‍ (24) കണ്ണൂര്‍ ചൊക്ലി കടവ് ദാനത്ത് കുനിയില്‍ റഹീം (42) എന്നിവരാണ് അറസ്റ്റിലായത്.
 
പെണ്‍കുട്ടിയെ തട്ടിക്കൊണ്ട് പോകാന്‍ നിയാസ് പലതവണ ശ്രമിച്ചിരുന്നു. പിന്നീട് സുഹൃത്തായ ശ്യാമാകുമാറിന്റെയും ബന്ധുവായ റഹീമിന്റെയും സഹായത്തോടെയാണ് തട്ടിക്കൊണ്ടുപോയത്. നവംബര്‍ ഇരുപത്തെട്ടിന് ശ്യാമകുമാര്‍ കുട്ടിയെ തെറ്റിദ്ധരിപ്പിച്ച് വീട്ടില്‍ നിന്ന് വിളിച്ചിറക്കി കായംകുളത്തേക്ക് കൊണ്ടുപോയി.
 
അവിടെ നിന്നിരുന്ന നിയാസും റഹീമും ചേര്‍ന്ന് പെണ്‍കുട്ടിയെ കണ്ണൂരിലേക്ക് കൊണ്ടുപോയി  പരിചയക്കാരന്റെ വീട്ടില്‍ താമസിപ്പിച്ചു. ഇതിനിടെ പെണ്‍കുട്ടിയെ കാണാതിരുന്നതിനാല്‍ രക്ഷിതാക്കള്‍ പോലീസില്‍ പരാതി നല്‍കി.   എസ.ഐ ശ്രീജിത്തിന്റെ നേതൃത്വത്തിലുള്ള പോലീസ് സംഘം നടത്തിയ അന്വേഷണത്തിലാണ് പ്രതികളെ പിടികൂടിയത്. കണ്ണൂര്‍ ചോമ്പാലയില്‍ നിന്നാണ് നിയാസിനെയും പെണ്‍കുട്ടിയെയും കണ്ടെത്തിയത്. 

വെബ്ദുനിയ വായിക്കുക

അനുബന്ധ വാര്‍ത്തകള്‍