കാര്‍ഷിക നിയമം പിന്‍വലിക്കണം: ബിജെപിയെ കുരുക്കിലാക്കി ഒ രാജഗോപാല്‍ എംഎല്‍എ

ശ്രീനു എസ്

വ്യാഴം, 31 ഡിസം‌ബര്‍ 2020 (14:07 IST)
കാര്‍ഷിക നിയമം പിന്‍വലിക്കണമെന്ന തന്റെ നിലപാട് തുറന്ന് ബിജെപിയെ കുരുക്കിലാക്കിയിരിക്കുകയാണ് നിയമസഭയിലെ ഏക ബിജെപി എംഎല്‍എ ഒ രാജഗോപാല്‍. പ്രമേയം പാസാക്കിയത് ഐക്യകണ്‌ഠേനയാണെന്നും നിയമം പിന്‍വലിക്കണമെന്നാണ് താന്‍ ആഗ്രഹിക്കുന്നതെന്നും രാജഗോപാല്‍ മാധ്യമങ്ങളോട് പറഞ്ഞു. എന്നാല്‍ പ്രമേയത്തിലുള്ള ചില വിയോജിപ്പുകളാണ് താന്‍ നിയമസഭയില്‍ ചൂണ്ടിക്കാട്ടിയതെന്ന് അദ്ദേഹം പറഞ്ഞു. 
 
പ്രമേയത്തെ ബിജെപിക്കാരന്‍ ആയതുകൊണ്ട് എതിര്‍ക്കുന്നത് ശരിയല്ല. അതുകൊണ്ടാണ് പ്രമേയത്തെ എതിര്‍ക്കാത്തത്. ഒന്നിച്ചു നില്‍ക്കണമെന്ന പൊതു അഭിപ്രായം സ്വീകരിക്കുകയാണ് ചെയ്തത്. അത് ഡെമോക്രാറ്റിക് സ്പിരിറ്റാണെന്നും അദ്ദേഹം പറഞ്ഞു.

വെബ്ദുനിയ വായിക്കുക

അനുബന്ധ വാര്‍ത്തകള്‍