ഡിസ്‌പ്ലേയിൽ തന്നെ സ്പീക്കറും 'ജി 8' വിപണിയിൽ എത്തിക്കാൻ തയ്യാറെടുത്ത് എൽ ജി

വെള്ളി, 4 ജനുവരി 2019 (17:24 IST)
സൌണ്ട് ഓൺ ഡിസ്‌പ്ലേ സ്മാർട്ട്ഫോണിലേക്ക് സന്നിവേഷിപ്പിച്ച് എൽ ജിയുടെ ജി 8 ഉടൻ വിപണിയിലെത്തും. പുതിയ സംവിധാനങ്ങൾ സ്മാർട്ട്ഫോണുകളിൽ അവതരിപ്പിക്കുന്നതിൽ എൽ ജി വളരെ പിന്നിലാണ് എന്ന് പരാതികൾ ഉയർന്നിരുന്നു. ഇതിനുള്ള മറുപടികൂടിയാണ് എൽ ജിയുടെ ജി 8.
 
കണ്ടക്ഷൻ സ്പീക്കർ എന്നാണ് ഈ സംവിധാനത്തിന്റെ പേര്. ഡിസ്‌പ്ലേക്ക് അടിയിൽ തന്നെ സ്പീക്കർ നൽകി കൂടുതൽ വൈഡ് ആയ ഡിസ്‌പ്ലേ നൽകുന്ന സംവിധാനമാണിത്. ഡി‌സ്‌പ്ലേയിൽ തന്നെ സെൽഫി ക്യാമറയും സജ്ജീകരിച്ചായിരിക്കും എൽ ജി ജി 8 വിപണിയിലെത്തുക. 4K റെസലൂഷനാണ് ,ഫോണിൽ പ്രതീക്ഷിക്കപ്പെടുന്നത്. ഫോൺ പൂർണമായും വാട്ടർപ്രൂഫ് ആയിരിക്കും എന്നും റിപ്പോർട്ടുകളുണ്ട്.
 
ഫോണിനെക്കുറിച്ചുള്ള മറ്റു വിശദാംശങ്ങളൊന്നും കമ്പനി പുറത്തുവിട്ടിട്ടില്ല. കണ്ടക്ഷൻ സ്പീക്കർ സംവിധാനം നേരത്തെ ഷവോമി സ്മാർട്ട് ഫോണുകളിൽ അവതരിപ്പിച്ചിരുന്നു. സ്മാർട്ട് ടി വികളിലാണ് ഈ സാങ്കേതികവിദ്യ ആദ്യം അവതരിപ്പിച്ചത്. പിന്നീട് വളരെ വേഗം ഇത് സ്മാർട്ട്ഫോണുകളിലേക്കും എത്തുകയായിരുന്നു.   

വെബ്ദുനിയ വായിക്കുക

അനുബന്ധ വാര്‍ത്തകള്‍