മോഹന്‍ലാല്‍ സംവിധാനം ചെയ്യുന്ന 'ബാറോസ്' മാര്‍ച്ചില്‍ ചിത്രീകരണം ആരംഭിക്കും.വമ്പന്‍ സെറ്റുകള്‍ സിനിമയ്ക്കായി ഒരുങ്ങുന്നുണ്ടെന്നാണ് വിവരം. ഇതിന്റെ ജോലികളില്‍ ഇക്കഴിഞ്ഞ ദിവസം ആരംഭിച്ചു.പ്രീ-പ്രൊഡക്ഷന്‍ വര്‍ക്ക് കൊച്ചിയില്‍ പുരോഗമിക്കുകയാണ്.മോഹന്‍ലാല്‍ തന്നെ ബാറോസില്‍ പ്രധാന കഥാപാത്രത്തെയും അവതരിപ്പിക്കുന്നു.യുഎസ്, സ്‌പെയിന്‍, പോര്‍ച്ചുഗല്‍, ഘാന തുടങ്ങിയ ഇടങ്ങളിലെ വിദേശ താരങ്ങളും ചിത്രത്തില്‍ അഭിനയിക്കുന്നുണ്ട്.നടന്‍ പ്രതാപ് പോത്തനും സിനിമയുടെ ഭാഗമാണ്.കഴിഞ്ഞ ദിവസം, ബാറോസിന്റെ' ഒരു ചര്‍ച്ചാ വേളയില്‍ നിന്ന് മോഹന്‍ലാലിനൊപ്പമുള്ള ഒരു ചിത്രം അദ്ദേഹം പങ്കുവെച്ചു.
'ലെജന്‍ഡ് മോഹന്‍ലാല്‍ സംവിധാനം ചെയ്തതില്‍ ഞാന്‍ അഭിമാനിക്കുന്നു, അദ്ദേഹം ഒരു അപൂര്‍വ പ്രതിഭയാണ്, ഒരു കംപ്ലീറ്റ് ആക്ടറും, അതിശയകരമായ ഒരു മനുഷ്യനുമാണ്. ഒരു സംവിധായകനെന്ന നിലയില്‍ നിങ്ങളുടെ ആദ്യത്തെ സിനിമയില്‍ എന്നെ ഭാഗമാക്കിയതില്‍ നന്ദി.ഞാന്‍ ഭാഗ്യവാനാണ്.ബാറോസ്'- പ്രതാപ് പോത്തന്‍ കുറിച്ചു.
