രാഹുലോ, പന്തോ?? ആരാണ് മികച്ച കീപ്പർ.. മറുപടിയുമായി ഇർഫാൻ പത്താൻ, പിന്തുണച്ച് ലക്ഷ്മൺ

അഭിറാം മനോഹർ

ബുധന്‍, 5 ഫെബ്രുവരി 2020 (10:47 IST)
നിശ്ചിത ഓവർ ക്രിക്കറ്റിൽ ഇന്ത്യയുടെ വിക്കറ്റ് കീപ്പർ ആരെന്ന വിഷയത്തിൽ പ്രതികരണവുമായി മുൻ ഇന്ത്യൻ താരം ഇർഫാൻ പത്താൻ. പന്താണോ അതോ കെ എൽ രാഹുലാണോ നിലവിൽ ഏറ്റവും മികച്ച വിക്കറ്റ് കീപ്പിങ് താരം എന്നതിനാണ് താരം ഉത്തരം നൽകിയിരിക്കുന്നത്. നിലവിൽ വിക്കറ്റ് കീപ്പിങിന്റെ കാര്യത്തിലും ബാറ്റിങ്ങിലും പന്തിനേക്കാൾ മികച്ച താരമാണ് രാഹുലെന്നാണ് ഇരുവരും പറയുന്നത്.
 
ബാറ്റിങ് ശേഷി പരിഗണിക്കുമ്പോൾ പന്തിന് മികച്ച ഭാവിയുണ്ട്. എന്നാൽ കീപ്പിങ്ങിലേക്ക് വരുമ്പോൾ പന്ത് ഇനിയും ഏറെ മെച്ചപ്പെടാനുണ്ട്. ഇതിനു വേണ്ടി താരം കഠിനാധ്വാനം ചെയ്‌തേ തീരൂകയുള്ളു. നിലവില്‍ പന്തിനേക്കാള്‍ നന്നായി വിക്കറ്റ് കീപ്പ് ചെയ്യുന്നത് രാഹുലാണെന്നും ഇർഫാൻ വിലയിരുത്തി.
 
സമാനമായ അഭിപ്രായം തന്നെയാണ് മുൻ ഇന്ത്യൻ താരമായ ലക്ഷ്മണും ഉള്ളത്. ഒരു മുൻ നിര വിക്കറ്റ് കീപ്പർ അല്ലാതിരുന്നിട്ടും രാഹുലിനെയാണ്  ടീം മാനേജ്‌മെന്റ് കൂടുതല്‍ വിശ്വാസമര്‍പ്പിക്കുന്നതെന്ന യാഥാര്‍ഥ്യം പന്ത് മനസ്സിലാക്കണമെന്നും കഠിനാധ്വാനം പന്തിന് ടീമിൽ മടങ്ങിയെത്താൻ സാധിക്കുകയുള്ളുവെന്നും ലക്ഷ്മൺ പറഞ്ഞു. വിക്കറ്റ് കീപ്പിങ്ങ് മെച്ചപ്പെടുത്തുകയാണെങ്കിൽ പന്തിന് ഇന്ത്യയുടെ പ്ലേയിങ്ങ് ഇലവനിലേക്ക് മടങ്ങിയെത്താൻ സാധിക്കുമെന്നും ലക്ഷ്മൺ പറഞ്ഞു.

വെബ്ദുനിയ വായിക്കുക

അനുബന്ധ വാര്‍ത്തകള്‍