ഓസ്‌ട്രേലിയക്കെതിരെ നാട്ടില്‍ നടന്ന ഏകദിന പരമ്പരയില്‍ പന്തിന് പരിക്കേറ്റപ്പോഴാണ് രാഹുല്‍ കീപ്പറാകുന്നത്. തുടർന്ന് ന്യൂസിലൻഡ് പരമ്പരയിലും രാഹുൽ കീപ്പറായി തുടർന്നു. എന്നാൽ രാഹുലിനെ ദീർഘകാലകീപ്പറായി ആശ്രയിക്കാൻ ആവില്ലെന്നാണ് പട്ടേൽ പറയുന്നത്.താത്കാലികമായി ആ റോൾ ഏൽപ്പിക്കാം. ടി20യിൽ ഒരുപക്ഷേ അദ്ദേഹത്തെ പരീക്ഷിക്കാം. അതേസമയം ഒരുപാട് കാലം ഇന്ത്യൻ വിക്കറ്റ് കീപ്പറായി ഇരിക്കാനുള്ള ശേഷി പന്തിനുണ്ട്.ആഭ്യന്തര ക്രിക്കറ്റിലേക്ക് മടങ്ങിയെത്തിയാല്‍ മികച്ച പ്രകടനം പുറത്തെടുക്കാന്‍ പന്തിന് സാധിക്കുമെന്നാണ് പ്രതീക്ഷിക്കുന്നതെന്നും പാർത്ഥിവ് പറഞ്ഞു.
