‘എന്റെ സിനിമകള്‍ കണ്ടാല്‍ കൊള്ളാം, നന്നായി ഇങ്ങനെയൊക്കെ പറയും. അല്ലാതെ ഒരഭിപ്രായം പറയാന്‍ അദ്ദേഹം താല്‍പര്യപ്പെടാറില്ല. ചിലപ്പോള്‍ അതൊക്കെ കേട്ട് എന്റെ ‘തല’ വലുതായാലോ എന്നു വിചാരിച്ചിട്ടാകും. ഉമ്മച്ചിക്ക് ഒരുപാട് ഇഷ്ടമായി. ഇഷ്ടമായെന്ന് എന്നോട് പറയുകയും ചെയ്തു.’ ദുല്‍ഖര്‍ പറഞ്ഞു.
ഒരു നീണ്ട ഇടവേളയ്ക്ക് ശേഷം സുരേഷ് ഗോപി, ശോഭന എന്നിവർ ശക്തമായ തിരിച്ച് വരവ് നടത്തിയ ചിത്രം കൂടിയാണ് വരനെ ആവശ്യമുണ്ട്. കല്യാണി പ്രിയദർശന്റെ ആദ്യ മലയാള ചിത്രം കൂടിയാണിത്. അഭിനയിക്കുകയും ഒപ്പം ഈ കൊച്ചു ചിത്രം നിർമിക്കുകയും ചെയ്തിരിക്കുന്നത് ദുൽഖർ തന്നെയാണ്.
