‘നിങ്ങളുടെ മിറർ ആണ് ഞാൻ, കേൾക്കുമ്പോൾ നിങ്ങൾ പറയും കഞ്ചാവാണെന്ന്’ ; ഞാനെന്ത് പറഞ്ഞാലാണ് മനസിലാവുക? - വികാരഭരിതനായി ഷെയ്ൻ നിഗം

ഗോൾഡ ഡിസൂസ

വെള്ളി, 29 നവം‌ബര്‍ 2019 (16:45 IST)
വെയിൽ സിനിമയുമായി ബന്ധപ്പെട്ട വിവാദങ്ങൾക്കൊടുവിൽ മലയാള സിനിമയിൽ നിന്നും വിലക്കിയ നിർമാതാക്കളുടെ സംഘടനയുടെ നടപടിയിൽ പ്രതിഷേധമറിച്ച് ഷെയ്ൻ നിഗം. ദ ക്യൂവിന് നൽകിയ അഭിമുഖത്തിലാണ് ഷെയ്ൻ വെയിൽ സിനിമയുമായി ബന്ധപ്പെട്ട വെളിപ്പെടുത്തലുകൾ നടത്തിയത്.  
 
‘ഈഗോ വെച്ച് എന്റെ അടുത്ത് ആരും ബന്ധപ്പെടാൻ ശ്രമിക്കരുത്. ഞാൻ ഈഗോ വെച്ചിട്ടല്ല നിൽക്കുന്നത്. ഞാൻ നിങ്ങളെ എന്നെ പോലെ കാണുന്ന ഒരാളാണ്. നിങ്ങളുടെ മിറർ ആണ് ഞാൻ. ഇതിപ്പൊ ഇങ്ങനെ പറഞ്ഞാൽ നിങ്ങൾ പറയും ഞാൻ കഞ്ചാവാണെന്ന്. അങ്ങനെയെങ്കിൽ എന്ത് പറഞ്ഞാലാണ് നിങ്ങൾക്ക് മനസിലാവുക?.  
 
‘അസോസിയേഷൻ ഇടപെട്ട് വെയിൽ സിനിമയുടെ പ്രശ്നങ്ങളെല്ലാം പരിഹരിച്ചതാണ്. 15 ദിവസമാണ് എന്നോട് പറഞ്ഞത്. പക്ഷേ, 23 ദിവസം വേണമെന്ന് പറഞ്ഞു. അസോസിയേഷനിൽ വെച്ച് മാധ്യമങ്ങളോടും എന്നോടും 15 ദിവസം മതിയെന്നല്ലേ പറഞ്ഞത്? 15 ദിവസം കഴിഞ്ഞിട്ട് പോയാലും അസോസിയേഷൻ നിനക്കെതിരെ തിരിയും. ഇതിന്റെയൊക്കെ പിന്നിൽ വേറെ ഗെയിം ഉണ്ട്. നിന്നെ കുടുക്കാനുള്ള പരിപാടിയാണ് എന്നായിരുന്നു അപ്പോൾ സംവിധായകൻ ശരത് മേനോൻ പറഞ്ഞത്.’ 
 
‘പിറ്റേദിവസം ശരത് ഉമ്മച്ചിയെ വിളിച്ച് എന്റെ ആറ്റിറ്റ്യൂഡ് മാറ്റിയില്ലെങ്കിൽ ശരിയാകില്ലെന്ന് നിർമാതാക്കളുടെ സംഘടന പറഞ്ഞുവെന്ന് പറയുന്നു. സഹിക്കാൻ പറ്റാതെയായപ്പോൾ ചിത്രത്തിന്റെ പ്രൊഡക്ഷൻ കൺ‌ട്രോളറോട് വിളിച്ച് എന്റെ ആറ്റിറ്റ്യൂട്ട് മാറ്റാൻ ഉദ്ദേശമില്ലെന്നും അനുഭവിക്കാൻ പറ്റുന്നില്ലെന്നും പറഞ്ഞ് ഞാൻ പോയത് മധുരയ്ക്കാണ്’. - ഷെയ്ൻ നിഗം പറയുന്നു. 

വെബ്ദുനിയ വായിക്കുക

അനുബന്ധ വാര്‍ത്തകള്‍